नेपालमा कोरोनाभाइरस संक्रमित थप एक जिल्लामा देखिएका छन् । तनहुँमा पहिलो पटक कोरोनाभाइरस संक्रमित भेटिएसँगै नेपालमा ५४ जिल्लामा कोरोनाभाइरस संक्रमण फैलिएको छ ।

आइतबार विहान तनहुँमा २८ वर्षका एक युवामा कोरोना संक्रमण पुष्टि भएको हो ।

त्यस्तै, आइतबार विहान नै स्याङ्जामा पनि कोरोनाभाइरस संक्रमित भेटिएका छन् । स्याङ्जाको गल्याङ नगरपालिकामा २७ र ४० वर्षका २ जनामा कोरोनाभाइरस संक्रमण देखिएको हो ।

योसँगै गण्डकी प्रदेशमा अब २४ जना कोरोनाभाइरस संक्रमित पुगेका छन् । यीमध्ये अहिलेसम्म ३ जना निको भएर फर्किएका छन् ।