धरान– बिहीबार धरानमा आगलागीमा परी दुईजनाको मृत्यु भएको छ । बिहान सवा ८ बजेबाट धरानको एक घरमा भएको आगलागीमा परेर आमा–छोराीको मृत्यु भएको हो । मृत्यु हुनेमा ८७ वर्षीय धनमाया श्रेष्ठ र ५८ वर्षीय सीता श्रेष्ठ छन् ।
दुईतले घरमा आगलागी सुरु भएपछि कोठाभित्र रहेकी छोरीलाई निकाल्न खोज्दा आमा–छोरी दुवैजनाको मृत्यु भएको इलाका प्रहरी कार्यालय धरानले जानकारी दिएको छ ।
आगलागी भएको घरमा भाडामा बस्नेहरु पनि रहेकाले क्षतिको विवरण संकलन गर्ने काम भइरहेको प्रहरीले जनाएको छ ।
आगलागीको कारण भने खुल्न सकेको छैन । आगो करिब एक घण्टापछि नियन्त्रणमा आएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।