गण्डकी प्रदेशमा ४२ जना कोरोना संक्रमित थपिएका छन् । जसमा एक कर्मचारीसमेत छन् । उनी मनाङको चामे गाउँपालिकामा कार्यरत छन् । उनको स्थायी ठेगाना भने कपिलवस्तुको बाँणगंगा हो ।

स्वास्थ्य निर्देशनालय पोखराले दिएको जानकारीअनुसार मनाङमा कोरोना संक्रमण देखिएको पहिलो पटक हो ।

यससँगै, गण्डकी प्रदेशमा कोरोना संक्रमण पुष्टि भएकाको संख्या २८९ पुगेको छ ।

पूर्वी नवलपरासीमा १८, तनहुँमा १२, गोरखामा ११ र मनाङमा १ जनामा कोरोना संक्रमण पुष्टि भएको हो ।

आज मनाङमा देखिएसँगै गण्डकी प्रदेशमा अब मुस्ताङबाहेक १० वटै जिल्लामा कोरोना संक्रमित भेटिएका छन् ।