पाकिस्तानमा गत महिना जुन विमानको दुर्घटना भएको थियो, त्यसबारे नयाँ खुलासा भएको छ ।

९७ जनाको ज्यान गएको त्यो विमानको दुर्घटनामा विमानका पाइलटको गल्ती भएको प्रारम्भिक जिम्मेवारी रहेको खुलासा भएको हो । पाकिस्तानका नगारिक उड्डयन मन्त्री गुलाम सरवर खानका अनुसार विमानका पाइलटले प्रोटोकल मानेका थिएनन् । उनले बुधबार यो जानकारी संसदमा दिएका हुन् ।

खानका अनुसार विमानमा रहेका पाइलट र कोपाइलटले पछिल्लो समय विश्वमा महामारी भएको कोरोनाभाइरसबारे सल्लाह गरिरहेका थिए । यही कारण उनीहरुको ध्यान मोडिएको र दुर्घटना भएको उनले बताएका छन् ।