इटाली– इटालीमा पौडी खेल्ने क्रममा डुबेर एक नेपालीको मृत्यु भएको छ ।

इटालीको पाभिया सहरमा रहेको तिसिनो नदीमा साथीहरुसँग पौडी खेल्न गएका सिन्धुपाल्चोकको इन्द्रावती गाउँपालिका ४ का २८ वर्षीय किरण खरेलको सोमबार मृत्यु भएको हो । 

उनी विगत ४ वर्षदेखि इटालीको मिलानमा बस्दै आएका थिए । सोमबार दिउँसो १ बजे डुबेको र उनको शव दिउँसो ३ बजे प्रहरीले भेटेको गैर आवासीय नेपाली संघ इटालीले जनाएके छ । 

अहिले उनको शव स्थानीय अस्पतालमा पोस्टमार्टमका लागि राखिएको छ । रिपोर्ट आएपछि मात्र सम्बन्धित परिवारलाई जिम्मा दिने अस्पतालले जानकारी दिएको छ ।