नेपालीको प्रतिव्यक्ति आय वृद्धि भएको छ । विश्व बैंकले सार्वजनिक गरेको अध्ययन प्रतिवेदन अनुसार नेपालीको प्रतिव्यक्ति आय गत वर्षको तुलनामा १ सय ३० डलरले बढेको छ । यो वृद्धिसँगै नेपालीको प्रतिव्यक्ति आय १ हजार ९० डलर पुगेको छ ।
गत वर्ष नेपालीहरुको प्रतिव्यक्ति आय ९ सय ६० डलर थियो । २०२० को १ जुलाईसम्मको तथ्यांकअनुसार नेपालीहरुको प्रतिव्यक्ति आय भएको प्रतिवेदनमा उल्लेख छ । यो वृद्धिसँगै नेपाल न्यून आय भएको देशबाट निम्न मध्यम आय भएको देशको सूचीमा प्रवेश गरेको छ ।
विश्व बैंकले विश्वका सबै देशको प्रतिव्यक्ति आयका आधारमा वर्गिकरण गर्दै आएको छ । प्रतिव्यक्ति आयमा देखिएको सुधारसँगै नेपालले सन् २०३० भित्र आफूलाई मध्यम आय भएको देशको सूचीमा पु¥याउने लक्ष्यतर्फ उन्मुख देखिन्छ ।
नेपालसँगै तान्जानिया, रोमानिया, नारुरु, मोरिसस इन्डोनेसिया र बेनिन पनि प्रतिव्यक्ति आय बढाउँदै माथि उक्लिएका छन् ।
विश्व बैंकको प्रतिवेदनअनुसार श्रीलंका प्रतिव्यक्ति आय भने घटेको छ । प्रतिव्यक्ति आय घटेसँगै श्रीलंका उच्च मध्यम आय भएको देशबाट निम्न मध्यम आय भएको देशको सूचीमा झरेको छ ।
त्यसैगरी, सुडान र अल्जेरिया पनि उच्च मध्यम आयको देशबाट निम्न मध्यम आय भएको देशमा झरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।