एजेन्सी– अमेरिकामा अन्धाधुन्ध गोली प्रहार हुँदा एकजनाको मृत्यु भएको छ । आइतबार मध्याह्न राजधानी वासिङ्टन डिसीमा भएको घटनामा अन्य ८ घाइते भएका छन् । 

एउटा गाडीबाट निस्किएका तीन व्यक्तिले नौजनाको समूहमा रहेका मानिसलाई गोली हानेको सिएनएनले वासिङ्टन प्रहरीलाई उद्धृत गर्दै लेखेको छ । 

तीनमध्ये दुई व्यक्तिले राइफल र एकले पेस्तोलबाट गोली चलाएको बताइएको छ । घटनामा संलग्न भएकाहरुको खोजी भइरहेको वासिङ्टन प्रहरीले जनाएको छ ।