काठमाडौं– त्रिवि शिक्षण अस्पताल महाराजगञ्जले बुधबार एक विज्ञप्ति जारी कोभिड–१९ का कारण रोकिएको विस्तारित स्वास्थ्य सेवा र साधारण स्वास्थ्य सेवा शुरु गरेको जानकारी दिएको छ । 

त्रिवि शिक्षण अस्पतालले बन्दाबन्दीको समयमा इमर्जेन्सी सेवा भने प्रदान गर्दै आइरहेको थियो । अब भने बिरामीले सहज रुपमा अन्य स्वास्थ्यसेवा लिन पाउने भएका छन् । 

अस्पतालका कार्यकारी निर्देशक प्रा.डा. रोहितकुमार पोखरेलले कोभिड–१९ का कारण चैत ६ देखि बन्द गरिएको उक्त स्वास्थ्य सेवा बुधबारदेखि शुरु गरिएको जानकारी दिए ।