पर्सामा थप ४५ जनालाई कोरोनाभाइरस संक्रमण भएको पुष्टि भएको छ । नारायणी अस्पतालको प्रयोगशालामा पिसिआर परीक्षण गर्दा ४५ जनालाई कोरोनाभाइरस संक्रमण भएको पुष्टि भएको हो । यीमध्ये १४ जना महिला रहेका छन् । 

शनिबार गरिएको परीक्षणमा ४५ जनामा कोरोनाभाइरस संक्रमण पुष्टि भएको अस्पतालले जनाएको छ ।

यसअघि कोरोना संक्रमितको कन्ट्याक ट्रेसिङ गरेका अधिकांशमा कोरोना संक्रमण पुष्टि भएको हो । यीमध्ये ४३ जना वीरगन्जका भएको बताइएको छ । 

यसअघि वीरगन्जका मेयर विजय सरावगीमा कोरोनासंक्रमण पुष्टि भइसकेको थियो । अब उनको परिवारका अन्य दुई जनालाई र उनलाई भेटेका अन्य ६ जनालाई पनि कोरोनाभाइरस संक्रमण भएको पुष्टि भएको छ ।