भारतीय अभिनेता सुशान्त सिंह राजपुतको आत्महत्या प्रकरणमा अनुसन्धान गरिरहेका बिहार प्रहरीका अधिकारीहरुले आफूहरुलाई मुम्बई प्रहरीले असहयोग गरेको बताएका छन् । मुुम्बई प्रहरीले असहयोग गर्दा आफूहरुले सोचेअनुरुप राम्रोसँग काम गर्न नसकेको उनीहरुले बताएका हुन् ।

यहीबीच यही प्रकरणमा मुम्बई पुगेका एक अधिकारीलाई क्वारेन्टिनमा राखिएको छ । उनलाई क्वारेन्टिनमा राखिनु षडयन्त्र भएको आशंका गरिएको भारतीय मिडिया लाइभहिन्दुस्तानले लेखेको छ ।

पटनाका सिटी एसपी विनय तिवारीलाई मुम्बईमा पुगेपछि प्रहरीले असहयोग गरेको पनि समाचारमा उल्लेख छ । योसँगसँगै तिवारीलाई सोचेर र जानेर नै यस्तो गरिएको बताइएको छ ।

यसबीच सुशान्तको आत्महत्या प्रकरणमा प्रहरीले दैनिक नयाँ तथ्य सार्वजनिक गरिरहेको छ । प्रहरीले सार्वजनिक गरेको नयाँ तथ्यअनुसार ९ देखि १३ जुनको बीचमा सुशान्तको मोबाइलमा १४ सिमकार्ड बदलिएको थियो ।