विश्व स्वास्थ्य संगठन (डब्लूएचओ)का प्रमुख डा. टेड्रोस एडोनोम गेब्रिएससले तत्काल कोरोनाभाइरस (कोभिड १९) को भ्याक्सिन लिएर आउने सम्भावना नहुन पनि सक्ने बताएका छन् ।
यसअघि पनि उनले बारम्बार कोरोनाभाइरस कहिल्यै नसकिने र हामीले यो सँगसँगै बाँच्न पर्ने हुनसक्ने बताएका थिए । यसभन्दा पहिले उनले कोरोनाभाइरस अरु भाइरसभन्दा फरक हुनुको कारण यो भाइरस आफैं पनि बारम्बार बदलिने गरेको बताएका थिए ।
डब्लूएचओका प्रमुख डा. टेड्रोसले मौसक बदलिएसँगै कोरोनाभाइरसमा असर पर्ने भनिए पनि अहिलेसम्म त्यस्तो नदेखिएको पनि बताए ।
उनले फेरि पनि कोरोनाबाट बच्न सामाजिक दूरी अनिवार्य भएको र मास्क लगाउनु अहिलेको आवश्यकता भएको बताएका छन् । उनले विश्व्भर अब १ करोड ८१ लाखभन्दा बढी कोरोनाभाइरस संक्रमित भइसकेको पनि जानकारी दिएका छन् ।
कोभिड १९ बाट विश्वभर अहिलेसम्म ६ लाख ८९ हजारले ज्यान गुमाइसकेका छन् ।
‘कुनै भ्याक्सिन अहिले परीक्षणको तेस्रो चरणमा छन् र हामीलाई आशा छ कुनै एक भ्याक्सिनले हामीलाई कोरोनाभाइरसबाट बचाउन सक्छ,’ उनले भनेका छन्, ‘तर, यो सम्भव नहुन पनि सक्छ । यसको औषधी वा भ्याक्सिन कहिल्यै नपाइन पनि सक्छ ।’
यसअघि जुनमा पनि उनले यस्तै चेतावनी दिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।