बाँके– बाँकेमा शुक्रबार थप ४९ जनामा कोरोना संक्रमण पुष्टि भएको छ । शुक्रबार ४ बजेसम्म तीन सय १२ जनाको स्वाब परीक्षण गर्दा ५१ जनामा कोरोना देखिएको स्वास्थ्य कार्यालय, बाँकेले जनाएको छ । तीमध्ये ४९ जना बाँकेका हुन् । 

भेरी अस्पतालको पिसिआर ल्याबमा गरिएको स्वाब परीक्षणमा ४९ जनामा कोरोना पुष्टि भएको हो । शुक्रबार फेला परेका संक्रमितमध्ये अधिकांश नेपालगन्जस्थित महेन्द्र बहुमुखी क्याम्पस क्वारेन्टाइनमा रहेको बताइएको छ । 

कोरोना संक्रमित फेला पर्न थालेपछि शनिबारसम्म जारी निषेधाज्ञा मंगलबार रातिसम्म बढाइएको छ ।