कोरोनाभाइरस संक्रमित बढ्दै गएपछि बैतडीमा ४ भदौदेखि लकडाउन गरिने भएको छ । बैतडीको सदरमुकाम दशरथचन्द नगरपालिकामा केही दिन यता संक्रमित बढ्न थालेका हुन् ।
संक्रमित बढेसँगै ११ दिनका लागि लकडाउन लगाउने नगरपालिकाले निर्णय गरेको हो । निर्णयअनुसार बैडीमा अत्यावश्यक सेवाबाहेक अन्य सेजाहरु यो समयमा बन्द हुनेछन् ।
नगरप्रमुख नरेन्द्रसिंह थापाका अनुसार लकडाउनमा नगरभित्रका बैंक पनि अब आइतबार, मंगलबार र बिहीबार मात्र खुलाउने निर्णय भएको छ ।
अत्यावश्यक बाहेकका अन्य सबै सेवा पनि यो समयमा बन्द गर्ने निर्णय गरिएको छ ।
बैतडीमा अहिलेसम्म ३ सयभन्दा धेरैमा कोरोनाभाइरस संक्रमण देखिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।