चितवन– मंगलबार मृत्यु भएकी पूर्वी चितवनको खैरहनी नगरपालिका–३ की १ सय ९ वर्षीया वृद्धामा कोरोना संक्रमण पुष्टि भएको छ । 

भरतपुर अस्पतालका सूचना अधिकारी लीलाधर पौडेलले उनमा कोरोना संक्रमण भएको पुष्टि गरेका हुन् । भरतपुरस्थित कोभिड–१९ परीक्षण प्रयोगशालामा गरिएको परीक्षणमा उनमा कोरोना पुष्टि भएको हो ।

हिजो शंकास्पद व्यक्तिसँग भेट भएको थाहा भएपछि उनको स्वाब परीक्षण गरिएको थियो । चितवनमा यसअघि पनि कोरोना संक्रमित दुईजनाको मृत्यु भइसकेको छ ।