इन्डियन प्रिमियर लिग (आइपिएल)को यो सिजनको सुरुवात आज शनिबारबाट भएको छ । पहिलो खेलमा चेन्नई सुपर किंग्स र मुम्बई इन्डियन्स भिडिरहेका छन् । 

१४ महिनापछि मैदानमा देखिएका चेन्नईका कप्तान महेन्द्र सिंह धोनी त्यसैले आज भारतमा निकै हटकेक बनिरहेका छन् । 

किनकि १४ महिनापछि नयाँ लुक्समा देखिएका धोनीका प्रशंसक भारतमा निकै छन् । उनले लकडाउन आफूलाई फिट राख्न निकै मेहनेत गरेको पनि बताएका छन् । 

आधा दाह्री राखेर मैदानमा उत्रिएका धोनीले यो आइपिएलमा कस्तो प्रदर्शन गर्नेछन् भन्ने हेर्न नै बाँकी छ । यो आइपिएल उनका लागि अन्तिम आइपिएल हुनसक्ने अनुमान पनि गरिएको छ । उनले लकडाउनकै समयमा अन्तर्राष्ट्रिय क्रिकेटबाट सन्न्यास लिएको घोषणा गरिसकेका छन् ।