अनशनको २४ औं दिनमा डा. गोविन्द केसीसँग वार्ताका लागि सरकारले वार्ता टोली गठन गरेलगत्तै डा. केसीको तर्फबाट पनि वार्ता टोली गठन भएको छ ।
केसी पक्षले डा. जीवन क्षेत्रीको संयोजकत्वमा बनेको वार्ता टोली गठन गरेको हो । डा. क्षेत्री सोलिडारिटी फर डा. केसी अलायन्सका संयोजक हुन् ।
वार्ता टोलीमा नेपाल स्वास्थ्य अनुसन्धान परिषदका अध्यक्ष डा. अञ्जनीकुमार झा, नेपाल मेडिकल एसोसिएसनका अध्यक्ष डा. लोचन कार्की र अधिवक्ता ओमप्रकाश अर्याल सदस्य छन् ।
यसअघि बुधबारै सरकारले शिक्षा सचिव गोपीनाथ मैनालीको संयोजकत्वमा तीन सदस्यीय वार्ता टोली गठन गरेको छ । सरकारी वार्ता समितिमा स्वास्थ्य तथा जनसङ्ख्या मन्त्रालयका सहसचिव डा. गुणराज लोहनी र चिकित्सा शिक्षा आयोगका निर्देशक दिलीप शर्मा सदस्य छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
