चितवनको भरतपुर अस्पतालमा उपचाररत एक पुरुषको मृत्यु भएको छ । 

भरतपुर अस्पतालका सूचना अधिकारी लीलाधर पौडेलका अनुसार हेटौंडा उपमहानगरपालिका ९ प्रगतिटोलका ६६ वर्षीय पुरुषको मृत्यु भएको हो । 

उनी असोज २७ गते ज्वरो, खोकी र श्वासप्रश्वासको समस्या भई अस्पताल भर्ना भएका थिए । उनमा बुधबार मात्रै कोरोना संक्रमण पुष्टि भएको थियो ।

आइसियूमा भेन्टिलेटरको सहायतामा उपचाररत उनको बुधबार साँझ ६ः१५ बजे मृत्यु भएको सूचना अधिकारी पौडेलले जानकारी दिए ।