पूर्वप्रधानमन्त्री डा. बाबुराम भट्टराईले अहिलेका प्रदेश पञ्चायतको अंचल जस्तो मात्रै भएको टिप्पणी गरेका छन् ।
प्रधानमन्त्री केपी ओलीको आदेशमा प्रदेशका सबै काम भइरहेको भन्दै बाबुरामले यस्तो टिप्पणी गरेका हुन् ।
उनले ओलीले प्रदेश सरकार भनेको संघको प्रशासनिक यूनिट मात्र ठानेको आरोपसमेत लगाएका छन् ।
बालुवाटार दरबारको आदेशमै वागमती, गण्डकी, कर्णाली र लुम्बिनी प्रदेश बनेको उनको भनाइ छ ।
यसरी केपी ओलीले संघीयताको गलत अभ्यास गरिरहँदा हिजोका माओवादी भने केही कणहरु झर्ला र खाउँला भन्दै ओलीकै चरणमा पर्नु लाजको विषय भएको उनको भनाइ छ ।
'ओली उवाच-‘प्रदेश सरकार भनेको संघको प्रशासनिक युनिट हो’ ! अर्थात अहिलेको प्रदेश पंचायतकालको अंचल जस्तो मात्रै हो!', बाबुरामले ट्वीटरमा लेखेका छन्, 'त्यसैले त वालुवाटार दरबारको आदेशमा वागमती/गण्डकी/कर्णाली/लुम्बिनी प्रदेश बनिरहेछन्!तैपनि हिजोका हाम्रा माओवादी कणहरू झर्ला र खाउॅला भन्दै ओलीका चरणमा लम्पसार! Shame!'
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।