चिनियाँ इन्जिनियरले एउटा सयौं टनको ऐतिहासिक भवन एक ठाउँबाट अर्को ठाउँमा उचालेर सारेका छन्। चीनको साङघाई सहरमा इन्जिनियरले ७६ सय टनको ऐतिहासिक भवनलाई अर्को ठाउँमा सारेका हुन्। 

सन् १९३५ मा बनेको साङघाईको लागेना प्राथमिक विद्यालयको पाँच तले भवन उनीहरुले प्रविधिको प्रयोग गरेर केही पर सारेका हुन्। 

स्थानीय प्रशासनका अनुसार यो पुरानो भवनको नजिकै नयाँ प्रोजेक्टमा काम सुरु हुन लागेको छ। तर उक्त भवनले नयाँ प्रोजेक्ट सुरु गर्न जमिन कम भएपछि भवन सारिएको हो। 

लामो समयको प्रयासपछि प्रविधिको प्रयोग गरेर ऐतिहासिक भवनलाई सुरक्षित ढंगले इन्जिनियरले सारिदिएका हुन्। 

भवन सार्ने वा भत्काउने इन्जिनियरसँग दुई विकल्प थिए। उनीहरुले प्रविधिको प्रयोग गरेर ऐतिहासिक भवनलाई अर्को ठाउँमा सारेर नयाँ चमत्कार देखाएका हुन्।