प्रदेश नं २ सरकारले सरकारी स्तरबाट नै सार्वजनिक यातायात सञ्चालन गर्ने भएको छ ।  प्रदेश सरकारले बस सेवा सञ्चालनका लागि पाँच बससमेत खरीद गरिसकेको जनाएको छ ।

प्रदेशवासीलाई यातायातमा सहुलियत दिन प्रदेशस्तरीय बस सञ्चालन गर्ने तयारी गरिएको भौतिक विकास पूर्वाधारमन्त्री जीतेन्द्र सोनलले बताए । ती बस अहिले धनुषाको मिथिला नगरपालिका, ढल्केबरस्थित सिप्रदी कार्यालयमा राखिएको छ । ती बस केही दिनभित्रै सञ्चालन ल्याइने मन्त्री सोनलको भनाइ छ ।

प्रतिबस ६७ लाख ९५ हजारमा खरीद गरिएको भौतिक पूर्वाधार विकास मन्त्रालयले जनाएको छ । निजी बसभन्दा सस्तो भाडादरमा जनताको सहजताका लागि जनकपुर–वीरगञ्ज दुई, जनकपुर–राजविराज दुई तथा राजविराज–वीरगञ्जसम्म एक बस सञ्चालन गर्ने प्रदेश सरकारको योजना छ ।