नेपालमा मंगलबार थप ८ जनाको कोरोनाभाइरस (कोभिड १९)का कारण मृत्यु भएको छ । योसँगै नेपालमा कोरोनाका कारण ज्यान गुमाउनेको संख्या १ हजार ६ सय ३७ पुगेको छ । 

स्वास्थ्य तथा जनसंख्या मन्त्रालयले दिएको जानकारीअनुसार नेपालमा मंगलबार काठमाडौं, सप्तरी, ललितपुर, कास्की र पाल्पामा कोरोनाका कारण मानिसहरुले ज्यान गुमाएका हुन् । यीमध्ये ४ जना काठमाडौंका हुन् । 

मंगलबार कोरोनाका कारण निधन हुने सबै ४२ वर्षभन्दा माथिका रहेका छन् । 

सप्तरीमा ४२ वर्षका पुरुष, काठमाडौंमा ७०, ६६, ४९ वर्षका पुरुष र ९४ वर्षकी महिलाले कोरोनाका कारण ज्यान गुमाएका हुन् । 

ललितपुरमा ५० वर्षकी महिला, कास्की र पाल्पामा ६४ र ६३ वर्षका पुरुषको मंगलबार कोरोनाभाइरसका कारण मृत्यु भएको हो ।