पछिल्लो २४ घण्टामा देशभर १ हजार ४४ जना कोरोना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार शुक्रबार ७ हजार ४१४ पिसिआर परीक्षण गर्दा १ हजार ४४ जनामा कोरोना संक्रमण पुष्टि भएको हो ।

यससँगै नेपालमा कोरोना संक्रमित हुनेको संख्या २ लाख ४६ हजार ६९४ पुगेको छ ।

यसैगरी गत २४ घण्टामा १ हजार २७१ संक्रमित  कोरोनामुक्त भएका छन् । योसँगै कोरोना संक्रमणमुक्त हुनेको संख्या २ लाख ३२ हजार ८७२ पुगेको छ ।

मन्त्रालयका अनुसार शुक्रबार ११ जना कोरोना संक्रमितको मृत्यु भएको छ । योसहित कोरोना संक्रमित मृतकको संख्या १ हजार ६७४ पुगेको छ  ।

हाल नेपालमा १२ हजार १४८ सक्रिय कोरोना संक्रमित रहेका छन् ।