प्रधानमन्त्रीको संसद् विघटनको कदमविरुद्ध गोरखामा नेकपाकै पुष्पकमल दाहाल प्रचण्ड र माधव नेपालको समूहले मसाल जुलुस निकालेको छ ।
प्रचण्ड नेपाल पक्षको आह्वानमा शनिबार गोरखामा भएको मसाल जुलुसमा सरकारविरुद्ध चर्का नारा लागेको थियो ।
ओलीका कदमविरुद्ध नेकपा गोरखाले आइतबारका लागि जिल्लास्तरीय कार्यकर्ता भेलाको आयोजना गरेको छ ।
यस्तै पुस १४ गते संसद विघटनको विरुद्धमा विरोध प्रदर्शन गर्ने निर्णय पनि गरेको छ ।
नेकपाले पुस २० गतेभित्र नगरपालिका र गाउँपालिका स्तरमा बैठक, भेला गर्ने र पुस २५ गतेभित्र सबै वडाहरूमा बैठक आयोजना गर्ने जनाएको छ ।
सो पार्टीको केन्द्रीय नीतिअनुसार गोरखा नेकपाले विरोधका कार्यक्रम आयोजना गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
