वसन्तपुरस्थित हनुमानढोका दरबारपरिसरमा चीर ठड्याइएसँगै फागु पर्व सुरु भएको छ । आइतबार बिहान ८ बजेर २६ मिनेटको शुभ साइतमा वसन्तपुरस्थित हनुमानढोका दरबार परिसरमा चीर ठड्याइएसँगै फागु पर्व शुरु भएको छ । 

फागुन शुक्ल अष्टमीका दिन वसन्तपुरमा चीर उठाएपछि फागु पर्व सुरु हुने प्रचलन रहिआएको छ । आइतबार बिहान शुभ साइतमै विभिन्न बाजागाजा, नाचगानसहित रंगीचङ्गी चीर उठाइएको हो । 

फाल्गुन शुक्ल अष्टमीदेखि पूर्णिमासम्म फागु पर्व मनाउने गरिएको छ । फाल्गुन शुक्ल पूर्णिमाको दिन बेलुकी चीर तानेर टुँडिखेल लगेर जलाएपछि फागु पर्व सकिन्छ । 

यस वर्ष पहाडमा चैत १५ गते र तराईमा चैत १६ गते फागु पूर्णिमा मनाइँदै छ ।