सबै अमेरिकी वयस्कले अप्रिल १९ देखि कोरोना खोप पाउने बाइडेनको घोषणा
फरकधार / २५ चैत, २०७७

अमेरिकी राष्ट्रपति जो बाइडेनले अमेरिकाका सबै वयस्क नागरिकले पनि आगामी अप्रिल १९ तारिखदेखि कोरोनाविरुद्धको खोप पाउने घोषणा गरेका छन्।

अलेक्जेन्डेरिया र भर्जिनियामा खोप निर्माण भइरहेका स्थानहरुको भ्रमण गरेपछि उनले मंगलबार घोषणा गरेका हुन् । यसअघि उनले आगामी मे १ तारिखदेखि अमेरिकाका सबै नागरिकलाई खोप दिने घोषणा गरेका थिए । 

तर, पनि यहाँ जति सक्दो चाँडो खोप दिनुपर्ने माग बढ्दै गएको छ । यसरी माग बढेपछि उनले सो कुराको घोषणा गरेको समाचारमा जनाइएको छ ।
 
उनका अनुसार अमेरिकामा गएको ७५ दिनमा यहाँका कम्तीमा पनि १५ करोड डोज खोप लगाइसकिएको छ । तर, पनि यस समयभित्रमा यहाँ खोप लगाउन सुरु गरिएको १०० दिन भित्रमा २० करोड  खोप दिइसक्नुपर्ने लक्ष्य लिइएको थियो । 

राष्ट्रपति बाइडेनले आगामी मे महिनासम्ममा यहाँ अझै महामारीको अवस्था बढ्ने कुरा विज्ञहरुले भनेकाले अझ सतर्क र सुरक्षित रहन पनि आग्रह गरेका छन् । उनले भनेका छन्– हामीले आगामी दिनमा अझै अप्ठ्यारो परिस्थितिको सामना गर्नुपर्ने अवस्था पनि आउन सक्छ, त्यसैले थप सजग बनौँ, मास्क लगाऊँ र जनस्वास्थ्यका मापदण्ड राम्रोसँग पालना गरौँ ।’

अमेरिका विश्वमै सबैभन्दा बढी कोरोना प्रभावित देशमा पर्छ । यहाँ अहिलेसम्म तीन करोड १५ लाख भन्दा बढी मानिस कोरोना भाइरस संक्रमित भएका छन् भने ५ लाख ७० हजारभन्दा बढी मानिसको कोभिड १९ को संक्रमणबाट ज्यान गएको छ ।

  • प्रकाशित मिति : चैत २५, २०७७ बुधबार १७:४६:५,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया