सरकारले आन्तरिक हवाई उडान र भारतसँगको हवाई उडान बन्द गर्ने निर्णय गरेको छ। मन्त्रिपरिषद्को आइतबारको बैठकले सो निर्णय गरेको हो ।
देशभर कोरोना संक्रमण तीव्र गतिमा फैलिएपछि सरकारले आइतबार मध्यरातदेखि लागू हुनेगरी उडान बन्द गर्ने निर्णय गरेको हो।
आन्तरिक र भारतसँगको दुवैतर्फको उडान सोमबारदेखि नै रोक लगाउने निर्णय सरकारले गरेको छ ।
केही दिनअघि मात्र कोभिड –१९ संकट व्यवस्थापन केन्द्रले सीमा नाका बन्दको निर्णय गरेको थियो।
भारतमा कोरोना संक्रमण बढेर उच्च बिन्दुमा पुगे पनि हवाई उडान निर्वाध रुपमा चलेको र आन्तरिक उडान पनि सञ्चालनमा राखेको भन्दै सरकारको आलोचना भइरहेको थियो।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।