सुनसरीमा मंगलबार मध्यरातिदेखि जिल्लाभर लकडाउनको आदेश जारी भएको छ । 

जिल्ला प्रशासन कार्यालयले यसअघि २४ गतेसम्म सीमित क्षेत्रमा निषेधाज्ञा गरेकोमा मंगलबारबाट जिल्लाभर लकडाउनको आदेश जारी गरेको हो । 

मंगलबार दिउँसो बसेको डिसिसिएमसिको बैठकले ३१ गते मध्यरातिसम्म अत्यावश्यक बाहेकका सबै सेवा पूर्ण रुपमा बन्द हुनेगरी निर्णय गरेको छ ।

अत्यावश्यक सेवाबाहेकका सबै प्रकारका सार्वजनिक एवं निजी सवारीसाधन पनि मंगलबार रातिदेखि वैशाख ३१ गते रातिसम्म जिल्लाभर पूर्णरुपमा रोक लगाइएको छ । 

जिल्ला प्रशासन कार्यालय सुनसरीले उक्त नियमको पालना नगरे कारबाहीको दायरा समेत अगाडि बढाइने जनाएको छ ।