फ्रेन्चाइज फुटबल नेपाल सुपर लिग, एनएसएलमा आज दुई खेल हुँदैछ । पहिलो खेलमा विराटनगर सिटी एफसी र दोस्रो खेलमा ललितपुर सिटी एफसी तथा धनगढी एफसी र बुटवल लुम्बिनी एफसी भिड्दैछन् । 

आजको पहिलो खेलमा विराटनगर र ललितपुर दशरथ रंगशालामा दिउँसो साढे २ बजे भिड्दैछन् । दोस्रो खेल धनगढी र बुटवल लुम्बिनीबीच साँझ साढे ५ बजे हुनेछ । 

प्लेअफमा स्थान बनाउनका लागि विराटनगर र ललितपुर दुवै टोली सहज जितको खोजीमा हुनेछन् । लिगमा विराटनगर ५ खेलबाट ७ अंकसहित चौथो स्थानमा रहेको छ  । ललितपुर ५ खेलबाट ६ अंकसहित पाँचौँ स्थानमा रहेको छ । 

यता प्लेअफमा पुग्नका लागि बुटवल लुम्बिनीले अंक तालिकाको शीर्ष स्थानमा रहेको धनगढीमाथि जित निकाल्नु पर्नेछ । बुटवल आजको खेलमा गर या मरको अवस्थामा रहेको छ ।