लुम्बिनी प्रदेशका मुख्यमन्त्री शंकर पोखरेलले भेरी अस्पतालमा स्वास्थ्यकर्मीमाथि भएको आक्रमणको घटनाको छानविन हुने बताएका छन् । पोखरेलले उक्त घटनामा निष्पक्ष छानविन हुने बताएका छन् ।
मुख्यमन्त्री पोखरेलले अस्पतालमा स्वास्थ्यकर्मीमाथि भएको कुटपिटको घटनामा आफ्नो गम्भीर ध्यानाकर्षण भएको भन्दै उक्त घटनाको निष्पक्ष छानविन गरेर दोषीलाई कारबाही गरिने बताए ।
पोखरेलले भनेका छन्, 'बाँकेको भेरी अस्पतालमा घटेको दुःखद घटनाका सन्दर्भमा गम्भीर ध्यानाकर्षण भएको छ । निष्पक्ष छानविन गरी दोषीमाथि कारबाही हुनेछ ।'
वाकेको भेरी अस्पतालमा घटेको दुःखद घटनाका सन्दर्भमा गंभीर ध्यानाकर्षण भएको छ । निस्पक्ष छानविनगरी दोषीमाथि कार्वाही हुनेछ ।
— shankar.pokhrel (@shankarpokhrel8) May 28, 2021
उपचार गराइरहेका आफन्तको मृत्युपछि बिहीबार भेरी अस्पतालमा केही मानिसले डाक्टर तथा नर्समाथि कुटपिट र हातपात गरेका थिए । उनीहरूले अस्पतालसमेत तोडफोड गरेका थिए ।
दाङको तुलसीपुर उपमहानगरपालिका वडा नम्बर ११ उरहरीका ५४ वर्षीय डिल्ली बहादुर रावतको मृत्यु भएपछि उनका भाइ मानबहादुर रावत र छोराहरू भरत रावतलगायत ४÷५ जनाको समूहले अस्पतालका डाक्टर तथा नर्समाथि आक्रमण गरेका थिए ।
अस्पतालमा उपचार गराइरहेका रावतको बिहीबार राति ८ बजे मृत्यु भएको थियो । उनको मृत्यु लगत्तै आफन्तहरूले डाक्टर र नर्समाथि आक्रमण र अस्पताल तोडफोड गरेको आरोप लागेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।