बलिउडका अभिनेता सोनु सुद पछिल्लो समयमा निकै चर्चित छन् । मानिसहरूले उनलाई ‘रियल हिरो’, ‘धरतीको भगवान’ लगायत अनेकन उपमा दिन थालेका छन् ।
सुदले कोरोनाको पहिलो लहरमा घर जान नपाएका मानिसहरूलाई सकुसल घर पठाएका थिए । त्यो दिनदेखि उनी कोरोना पीडितलाई विभिन्न तरिकाले सहयोग गरिरहेका छन् ।
सोनु सुदले इन्स्टाग्राममा राखेको भिडियो अहिले भाइरल भएको छ । भिडियोमा सुदले साइकलमा ब्रेड, अन्डा लगायतका सामग्री बेच्न हिँडेको जस्तो देखिन्छ ।
भिडियोलाई उनले ‘फ्रि होम डेलिभरी’ भनी क्याप्सन दिएका छन् ।
भिडियोमा सुदले भनेका छन्,‘ कसले भन्छ मल बन्द भयो ? सबैभन्दा महत्वपूर्ण र सबैभन्दा महंगो सुपरमार्केट तयार छ । ल हेर्नुहोस्, मेरो साथमा सबैथोक छ । अण्डा छ, जुन छ रुपैँयामा नै पाइन्छ । कसलाई के चाहिन्छ, मलाई चाँडै अर्डर दिनु ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
