छिमेकी मुलुक भारतमा पछिल्लो २४ घन्टामा थप ३८ हजार ७९२ जनामा कोरोना संक्रमण पुष्टि भएको छ । यसै गरी पछिल्लो २४ घन्टामा थप ६२४ जना संक्रमितले ज्यान गुमाएका छन् ।

जोन होप्किन्स युनिभर्सिटीका अनुसार हालसम्म भारतमा ३ करोड ९ लाख ७ हजार २८२ जनामा कोरोना संक्रमण पुष्टि भइसकेको छ भने ४ लाख १० हजार ७८४ जना संक्रमितले ज्यान गुमाइसकेका छन् ।

कोरोना भाइरसबाट सबैभन्दा धेरै मर्ने र संक्रमित हुनेको सूचीमा अमेरिका पहिलो स्थानमा छ । अमेरिकामा हालसम्म ६ करोड ७ हजार ७५४ जनाले ज्यान गुमाइसकेका छन् भने ३ करोड ३९ लाख ११ हजार ८२३ जनामा संक्रमण पुष्टि भइसकेको छ ।

अमेरिकापछि ब्राजिलमा कोरोना भाइरसबाट मर्नेको संख्या धेरै रहेको छ । ब्राजिलमा हालसम्म ५ लाख ३५ हजार ८३८ जना संक्रमितले ज्यान गुमाइसकेका छन् भने १ करोड ९१ लाख ५१ हजार ९९३ जनामा संक्रमण पुष्टि भइसकेको छ ।