३२ औँ गृष्मकालीन ओलम्पिक शुक्रबारदेखि सुरु भएको छ । यस प्रतियोगिताका लागि नेपाली पौडीबाज गौरिका सिंहले आफू तयार भएको बताएकी छन् ।
सिंहले उक्त प्रतिक्रिया सामाजिक सञ्जालबाट व्यक्त गरेकी हुन् । उनले आफूले सक्दो मेहनतका साथ ट्रेनिङ गरेर यस प्रतियोगिताका लागि तयार भएको जानकारी दिएकी छन् ।
सिंहले टोकियो ओलम्पिक एकीकरण तथा दृढ संकल्पको एक उत्कृष्ट नमुना रहेको बताइन् । उनले २०२० मा हुनु पर्ने ओलम्पिक हुन नसकेकोमा खिन्नता व्यक्त गरेकी हुन् ।
यस वर्ष हुन लागेको ओलम्पिकमा आफूले सक्दो प्रयास गर्ने कुरा पनि उनले बताएकी छन् ।
सिंहले यस प्रतियोगितामा भाग लिन पाउँदा खुसी लागेको बताउँदै सबैको साथ र सहयोगका लागि धन्यवाद पनि व्यक्त गरिन् । उनले महिला १०० मिटर फ्रि-स्टाइलमा प्रतिस्पर्धा गर्ने छिन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।