पूर्वधारविज्ञ डा‍. सूर्यराज आचार्यले आफू एकीकृत समाजवादीमा प्रवेश नगरेको प्रस्ट पारेका छन् । बिहीबार केही अनलाइनहरूले ‘डा. युवराज संग्रौला र डा. सूर्यराज आचार्य एकीकृत समाजवादी पार्टी प्रवेश’ भन्ने समाचार सरासर झुट भएको भन्दै उनले खेद प्रकट गरेका छन् । 

आफू सो पार्टीसँग सम्बद्ध युवा संगठनको आयोजनामा भएको ‘नेपालको विकासका चुनौती र अवसर’ विषयमा आयोजना भएको विचार गोष्ठीमा गएको तर पार्टी नै प्रवेश नगरेको बताएका हुन् । 

‘यस्ता प्रवचन मैले विभिन्न दल र दलसम्बद्ध संगठनमा दिँदै नै आएको छ,’ उनले सामाजिक सञ्जालमा लेखेका छन्, ‘विकास र पूर्वाधारबारेका सार्वजनिक चासोका मुद्दामा निरन्तर रुपमा उदारता र विनाआग्रहका साथ सबै दलका संगठन, समूह र नेताहरूलाई ब्रिफिङ र विभिन्न फोरममा संवाद गर्ने आफ्नो पेशागत दायित्वको रूपमा लिएको छु।’

लौ यस्तो 'फेक' समाचार आईसकेछ!
वास्तविकता के हो भने यो पार्टीसँग सम्वद्ध युवा संगठनले 'नेपालको विकासका चुनौती र अवसर' बारेमा बोल्न निम्त्याएको हो। यस्ता प्रवचन मैले विभिन्न दल र दल सम्वद्ध संगठनमा दिँदै नै आएको छु। भ्रमपूर्ण समाचार। @YubarajGhimire3 https://t.co/8878sQhDyU

— Surya Raj Acharya (@SuryaRAcharya) September 23, 2021