फेसबुकमा प्राविधिक समस्या आउँदा साढे तीन अर्ब प्रभावित, करिव साढे ७१ करोड रुपैयाँ नोक्सानी
फरकधार / १९ असोज, २०७८

सामाजिक सञ्जाल फेसबुकमा हिजो प्राविधिक समस्या आउँदा विश्वका साढे तीन अर्ब मानिस प्रभावित भएको तथ्याङ्क सार्वजनिक भएको छ । 



अन्तर्राष्ट्रिय समाचार संस्था बिबीसीका अनुसार हिजो फेसबुकमा ६ घण्टा प्राविधिक समस्या आउँदा उक्त संख्यामा प्रयोगकर्ताहरु प्रभावित भएका हुन् । 

हिजो एकसाथ फेसबुक, इन्स्टाग्राम, म्यासेन्जर र ह्वाट्सएपमा प्राविधिक समस्या आएको थियो । समस्याका कारण ती सामाजिक सञ्जाल ६ अवरुद्ध भएका थिए । 
यस घटनालाई लिएर फेसबुकले प्रयोगकर्ताहरूसँग माफी मागिसकेको छ । 

प्राविधिक समस्या आउँदा कम्पनीको विज्ञापनमा ठूलो असर गरेको बताइएको छ । फेसबुकलाई प्रतिघण्टा १० लाख अमेरिकी डलर अर्थात ६ घण्टामा ६० लाख अमेरिकी डलर (७१ करोड ४२ लाख ४० हजार ६ सय रुपैयाँ) नोक्सान भएको छ । 



प्राविधिक समस्याका कारण फेसबुकले सेयर बजारमा घाटा व्यहोर्नुपरेको छ । न्यूयोर्कमा फेसबुकको सेयर पाँच प्रतिशतले तल झरेको जनाइएको छ ।  

  • प्रकाशित मिति : असोज १९, २०७८ मंगलबार १२:८:२७,   अन्तिम अपडेट : असोज १९, २०७८ मंगलबार १२:२८:१२

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया