इलाम र झापामा सोमबारदेखि निरन्तर परेको वर्षाले स्थानीय नदी तथा खोलाहरुमा पानीको सतह बढ्दै गएको छ । ती क्षेत्रका सर्वसाधरणलाई आवश्यक सतर्कता अपनाउन जल तथा मौसम विज्ञान विभाग अन्तर्गतको बाढी पूर्वानुमान महाशाखाले जनाएको छ । 

‘इलाम, झापा लगायतका स्थानमा गत २४ घण्टामा भारी वर्षा भएकाले कन्काई नदी र यसका सहायक नदीहरूमा बहाव बढ्दो क्रममा छ । तटीय क्षेत्र र डुबान भइरहने होचा भूभागमा रहनु हुनेहरूले भोलिसम्म  उच्च सतर्कताका अपनाऔँ,’ महाशाखाले सामाजिक सञ्जाल मार्फत भनेको छ ।