बसुलो प्रहार गरी श्रीमतीको हत्या गरेको आरोप सल्यान प्रहरीले एक जनालाई पक्राउ गरेको छ । 

श्रीमतीको हत्या गरेको आरोपमा प्रहरीले सल्यान कुमाख गाउँपालिका–५ का ४७ वर्षीया कविराम खड्कालाई पक्राउ गरेको हो । 

खड्काले ४२ वर्षीया श्रीमती कली खड्काको बसुलो प्रयोग गरी हत्या गरेको अभियोगमा मंगलबार राति प्रहरीले पक्राउ गरेको छ ।

घरायसी विवादको कारण मादक पदार्थ सेवन गरी कबिरामले श्रीमतीलाई धारिलो हतियार (बसुलो) प्रहार गर्दा उनको घटनास्थलमै मृत्यु भएको थियो । जिल्ला प्रहरी कार्यालय सल्यान र इलाका प्रहरी कार्यालय राँगेचौरबाट खटिएको प्रहरीले उनलाई पक्राउ गरेको हो ।