अमेरिकाको एक रिपोर्टमा भारतले रुसको सहयोगमा हाइपरसोनिक मिसाइल बनाइरहेको दाबी गरिएको छ ।
अमेरिकाको स्वतन्त्र कांग्रेसियल रिसर्च सर्भिस (सीआरएस) ले तयार गरेको रिपोर्टमा भारत, अस्ट्रेलिया, फ्रान्स, जर्मनी र जापानजस्ता देश पनि हाइपरसोनिक हतियारको प्रविधि विकसित गरिरहेको उल्लेख छ ।
हाल अमेरिका, रुस र चीनसँग अत्याधुनिक हाइपरसोनिक हतियार छन् ।
सीएसआरका अनुसार अस्ट्रेलियाले हाइपरसोनिक हतियारका लागि अमेरिकासँग र भारतले रुससँग सहकार्य गरिरहेको छ ।
रिपोर्टका अनुसार भारतले ७ हाइपरसोनिक क्रुज मिसाइल बनाउनका लागि रुससँग साझेदारी गरेको छ ।
रिपोर्टमा भनिएको छ, ‘भारत आफ्नो ‘हाइपरसोनिक टेक्नोलोजी डेमोन्स्ट्रेटर भेइकल’ कार्यक्रम अनुसार स्वदेशी र दोहोरो क्षमता भएका हाइपरसोनिक मिसाइल बनाइरहेको छ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।