नेकपा एमाले अध्यक्ष केपी शर्मा ओलीले केही ठाउँमा १० बुँदे प्रस्ताव कार्यान्वयनका लागि बाँकी भएको भन्दै अब ती ठाउँमा पनि १० बुँदे कार्यान्वयनमा आउने बताएका छन् ।
शनिबार देशभर वडा अधिवेशन सुरु हुनुभन्दा पहिले भर्चुअल सम्बोधन गरेका ओलीले १० बुँदे कार्यान्वयन हुन केही ठाउँ बाँकी रहेकाले अब कार्यान्वयन हुने बताएका हुन् ।
यसअघि बुधबार मात्र काठमाडौंमा आयोजना भएको बागमती प्रदेशको महाधिवेशन आयोजक कमिटीको प्रथम भेलामा ओलीले अब १० बुँदेको कुनै औचित्य नभएको बताएका थिए । उनले तत्कालीन समयमा माधवकुमार नेपालले पार्टी नफुटाउन् भनेर १० बुँदे सम्झौता प्रस्ताव गरिएको तर नेपालले पार्टी फुटाइसकेपछि यसको कुनै औचित्य नभएको बताएका थिए ।
उनको यो अभिव्यक्ति आएपछि नेकपा स्थायी कमिटी बैठकमा भीम रावल र घनश्याम भुसालले यसबारे फरक मत राखेका थिए ।
यतिमात्र होइन, रावलले १० बुँदे कार्यान्वयनमा सहजीकरण नभएको भन्दै यो कार्यान्वयनका लागि बनाइएको समितिको संयोजकबाट राजीनामासमेत दिए ।
यी घटनाक्रम पछि शनिबार पत्रकारहरुको प्रश्नमा एमाले अध्यक्ष ओलीले केही ठाउँमा यसको कार्यान्वयन बाँकी रहेकाले त्यो छिटै हुने बताएका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
