कांग्रेस इलाम सभापतिमा डम्बर खड्का विजयी
फरकधार / ११ मंसिर, २०७८

नेपाल कांग्रेसको इलाम जिल्ला सभापतिमा डम्बर खड्का विजयी भएका छन् । भेषराज आचार्यलाई पराजित गर्दै उनी सभापतिमा निर्वाचित भएका हुन् । विजयी भएका खड्का संस्थापनपक्षीय उम्मेदवार हुन् भने आचार्य वरिष्ठ नेता रामचन्द्र पौडेल पक्षका हुन् ।  



शनिबार अपराह्न सार्वजनिक मत परिणामानुसार खड्का १६० मतले विजयी भएका हुन् । उनले ९३५ मत ल्याउँदा आचार्यले ७७५ मत पाएको निर्वाचन समितिले जनाएको छ ।

जिल्ला उपसभापतिमा भने दुवैजना आचार्य समूहका उम्मेदवार निर्वाचित भएका छन् । उपसभापतिमा खगेन्द्र देवान र विष्णु सुब्बा (दाहाल) विजयी भए भने सचिवमा खड्का समूहका निरोज खड्गी र पूर्णप्रसाद गौतम निर्वाचित भए । 



  • प्रकाशित मिति : मंसिर ११, २०७८ शनिबार १७:५५:४५,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया