महिला, बालबालिका तथा ज्येष्ठ नागरिक मन्त्री उमा रेग्मीले सीमा नाकाबाट सहज रूपमा सामान आयात निर्यात हुने व्यवस्था गर्न चीनलाई आग्रह गरेकी छन् । 

चीनतर्फकाे तातोपानी र रसुवाको केरुङ नाकाबाट अझै पनि सामान आयात निर्यातमा कठिनाइ भएको व्यवसायीको गुनासो सम्बोधन गर्दै मन्त्री रेग्मीले आयात निर्यातमा कठिनाइ भोग्ने अवस्था अन्त्य गर्न आग्रह गरेकी हुन् । मन्त्री रेग्मी चाइना फाउन्डेसन फर पोभर्टी एलिभेशन नेपालको छैटौँ वार्षिक उत्सव कार्यक्रमलाई सम्बोधन गर्ने क्रममा उक्त कुरा बताएकी हुन् । 

चीनले भूकम्प, कोभिड जस्ता महामारीमा सहयोग गरेकोमा उनले प्रशंसा पनि गरिन् । ‘दुख प¥यो भने हेर्ने छिमेकीले हो’, मन्त्री रेग्मीले भनिन्, ‘नाकाबन्दीको बेला नेपालले चीनबाट सहयोग पाएको छ ।’ 

कोभिडको समयमा खोप प्रदान गरेर चीनले नेपाललाई गुण लगाएको उनले बताइन् । अहिले पनि चीनबाट खोप आइरहेको उल्लेख गर्दै उनले छिमेकी देशहरुबीच सहयोगको अपेक्षा हुने जनाइन् । उनले यसैक्रममा सीमा नाकाबाट सहजरुपमा सामान भित्रन पाउनुपर्ने बताएकी हुन् ।