नेपालमा पछिल्लो २४ घण्टाको अवधिमा १० हजार ७०३ जनामा कोरोना भाइरसको संक्रमण देखिएको छ ।

स्वास्थ्य तथा जनसंख्या मन्त्रालयका अनुसार २३ हजार ९२ नमुनाको पीसीआर तथा एन्टिजेन विधिबाट परीक्षण गर्दा सो संख्यामा संक्रमित थपिएका हुन् ।

सोही अवधिमा ७६६ संक्रमणमुक्त भएका छन् । योसँगै कोरोना संक्रमण मुक्त हुनेको संख्या ८ लाख १९ हजार ५७५ पुगेको छ ।

त्यस्तै नेपालमा कोरोनाका कारण थप ३ जनाको मृत्यु भएको छ । योसँगै कोरोना कारण मृत्यु हुनेको संख्या ११ हजार ६३५ पुगेको छ ।

आज देशभर सक्रिय संक्रमितको संख्या ६५ हजार नाघेको छ । मन्त्रालयका अनुसार देशभर ६५ हजार ३७४ जना सक्रिय संक्रमित रहेका छन् ।