बालाजुमा बसले ठक्कर दिँदा दुईजना पैदलयात्रीको मृत्यु भएको छ । प्रहरीका अनुसार बालाजुको गंगा हल अगाडिको सडकमा आज बिहान ६ बजे बसले ठक्कर दिँदा एक पुरुष र एक महिलाको मृत्यु भएको हो ।

मृतकमध्ये रसुवाका १८ वर्षीय विकास तामाङको परिचय खुलेको छ । अर्की अन्दाजी ५०–५५ वर्षीया महिलाको सनाखत हुन बाँकी रहेको छ । प्रहरीका अनुसार उनीहरूको त्रिवि शिक्षण अस्पताल महाराजगञ्जमा उपचारको क्रममा मृत्यु भएको हो । 
 
ठक्कर दिने बस चालक भने फरार छन् । उनको खोजी भइरहेको प्रहरीले जनाएको छ ।