नेपाली कांग्रेसका नेता डा. शेखर कोइरालाले स्थानीय तहको निर्वाचनमा चितवनको भरतपुर महानगरपालिकामा गठबन्धन नहुने बताएका छन्। चितवन जिल्ला कार्यसमितिको निर्णय बुझ्दै उनले भरतपुरको मेयरमा कांग्रेस आफैँ लड्नुपर्ने बताएका हुन् ।
चितवन जिल्ला कार्यसमितिले यसअघि भरतपुर महानगरको मेयर कांग्रेसलाई दिने भए अन्त चुनावी तालमेल गर्न सकिने निर्णय लिएको थियो।
कांग्रेस केन्द्रीय सदस्य टेकप्रसाद गुरुङ र दिनेश कोइराला तथा चितवन कांग्रेस सभापति राजेश्वर खनालले चितवन र भरतपुर महानगरपालिकामा कुनै पार्टीसँग तालमेल नगर्न र कांग्रेसकै उमेदवारलाई मेयरको टिकट दिनुपर्ने मागसहितको निर्णय शीर्ष नेतालाई बुझाइरहेका छन्।
उनीहरुले यसअघि सभापति शेरबहादुर देउवालाई पनि माओवादीलाई मेयर दिन नसकिने निर्णयसहितको माइन्युट बुझाइसकेका छन्।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
