मकवानपुरको हेटौँडाको नगरसभा केहीबेरमा बस्दै छ । आजलाई आह्वान गरिएको नगरसभा ३ बजे सुरु हुने भएको छ । १ बजेको लागि बोलाइएको नगरसभामा एमालेबाट निर्वाचित कार्यपालिका सदस्यहरू आज पनि अनुपस्थित जनाउने निर्णय गरेका थिए । तर, पछिल्लो छलफलपछि सभा आजै हुने भएको हो ।

नेकपा एमाले सम्बद्व ५४ जना बहुमत सदस्यले पेश गरेकाे संसाेधन प्रस्ताव नगरसभापछि कानुनी परामर्श गरि प्रक्रिया अगाडि बढाउने भएको सहमति भएपछि हेटौंडाको एघारौं नगरसभा आजै हुने भएको हो ।

यसैगरी विषयगत समितिहरू सहमतिकाे आधारमा निर्माण गर्ने, बजेट निर्माणमा सामूहिक छलफलबाट टुङ्गाे लगाउने प्रतिबद्धता नगर प्रमुखबाट भएपछि अबको केहीबेरमा सुरु हुने भएकाे हेटौंडा ४ नम्बर वडा अध्यक्ष नविन सिग्देलले बताए ।