रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ । लामिछानेले आज पत्रकार सम्मेलन गरेर आफ्नो पार्टी निर्वाचन आयोगमा दर्ता भएको जानकारी गराएका हुन् । 

उनले आयोगमा दल औपचारिक रुपमा दर्ता भएको र आयोगबाट प्रमाणपत्र पनि पाएको बताए । उनले ७ असारमा राष्ट्रिय स्वतन्त्र पार्टी घोषणा गरेका थिए ।

आयोगमा दल दर्ता भएसँगै केन्द्रीय सदस्यहरूको नामावली सार्वजनिक गरिको छ । उनको पार्टीको केन्द्रीय समिति २१ जनाको रहेको छ । पार्टीको सभापतिमा लामिछाने रहेका छन् भने डा. मुकुल ढकाल प्रवक्ता छन् ।