नेकपा माओवादी केन्द्रनिकट योङ कम्युनिस्ट लिग (वाइसिएल) का अध्यक्ष सुबोध शेर्पालीले अनधिकृत संरचना हटाउने काठमाडौं महानगरका मेयर बालेन्द्र शाह (बालेन) को कामको प्रशंसा गरेका छन् । एमाले नेताहरूले विरोध गरिरहेका बेला वाइसिएल अध्यक्ष शेर्पालीले भने बालेनको कामको प्रशंसा गरेका हुन् ।

राज्य कोषमा कर छली गरी व्यवसाय सञ्चालनको प्रमाणसहित भवन, टहरा र पार्किङ स्थल भत्काउँदा एक थरीको निद्रा हराएको शेर्पालीले बताए ।  केही गर्छु भन्ने अठोटका साथ स्वतन्त्ररूपमा निर्वाचित भएका बालेनलाई हतोत्साहित बनाउने गरी धम्की नदिन पनि उनले चेतावनी दिएका छन् ।  

आफ्नो वा पराई कोही नभनी सधैं राज्यको भौतिक सम्पतिको संरक्षण गर्न र जनताको पक्षमा काम गर्न पनि शेर्पालीले मेयर शाहलाई आग्रह गरेका छन् ।