कुशेऔँसी तथा मोतीराम जयन्तीका अवसरमा घुम्ती कवि गोष्ठी नेपालले आयोजना गरेको कार्यक्रममा लेखक नारायण नेपालको कृति लोकार्पण गरिएको छ ।

काठमाडौंको कपनस्थित यात्री पुस्तकालयमा आयोजित मोतीराम सम्झना विशेष रचना वाचन कार्यक्रमकाबीच वेद अनुवादक तिलक लुइँटेलले ‘दाजु-बहिनीका कुरा’ ​ नामक बाल उपन्यास लोकार्पण गरेका हुन् ।

कार्यक्रममा घुम्ती कविताका अध्यक्ष रामकुमार पण्डित, गीतकार विसु केसी, कवि कृष्णप्रसाद बस्याल, कवि विनोद दाहाल लगायतले आफ्नो सिर्जना सुनाएका थिए ।

 पुस्तकालयका प्रमुख कवि त्रिलोचन आचार्यको सभापतित्वमा सम्पन्न उक्त कार्यक्रममा रामचन्द्र दाहाल, दुर्गा भमरकोटे, निबन्ध आचार्य, ओमकारप्रकाश नेपाल, सुशील पोख्रेल, मोहन कार्की, मिसन अधिकार किशोर श्रेष्ठ लगायतको उपस्थिति थियो ।

 भुँडीपुराण प्रकाशनमार्फत बजारमा आएको सो पुस्तक फरक रूपमा बाल मनोविज्ञान बुझ्ने र बुझाउने साहित्यिक कडी हुनसक्ने लेखक नेपालले बताए ।