नेकपा एमालेका अध्यक्ष केपी शर्मा ओलीले हरितालिका तीज तथा सुदूरपश्चिम प्रदेशमा मनाइने गौरा पर्वको अवसरमा शुभकामना दिएका छन् ।

स्वदेश तथा विदेशमा रहेका नेपालीलाई सुख, शान्ति, समृद्धिको शुभकामना व्यक्त गर्दै ओलीले सांस्कृतिक पर्व तीजले सहिष्णुता र पारिवारिक एकतालाई अभिवृद्धि गर्ने बताएका छन् । 

ओलीले पर्वका नाउँमा भित्रिरहेको सामाजिक विकृतिलाई सबै मिलेर अन्त्य गर्न आवश्यक रहेको सन्देशमा उल्लेख गरेका छन् । 

सन्देशमा आलीले एमाले राष्ट्रका अभिभारा पूरा गर्न स्पष्ट नीतिका साथ अघि बढेको बताउँदै समाजका सबै तप्काले सामाजिक न्याय, समानता र सुरक्षा हासिल गर्ने गन्तव्यमा पुग्न एमालेले तय गरेको अभियानमा साथ दिन आग्रह गरेका छन् । 

ओलीले सामाजिक परिवर्तन, विकास, सुशासन, स्वच्छता र पारदर्शिताको आन्दोलनलाई सफल बनाउन समस्त महिला दिदीबहिनीहरूको बलियो साथ रहने विश्वास सन्देशमा व्यक्त गरेका छन् ।