धादिङमा बोलेरो दुर्घटना हुँदा एकजनाको घटनास्थलमै मृत्यु भएको छ भने ६ जना घाइते भएका छन् । दुर्घटनामा परी ज्वालामुखी ४ का ३५ वर्षीय उत्तम अर्यालको घटनास्थलमै मृत्यु भएको प्रहरीले जनाएको छ ।

ज्वालामुखी गाउँपालिका ४ टारीस्थित भित्री सडकखण्डमा उक्त दुर्घटना भएको प्रहरी चौकी साँधभञ्ज्याङले जनाएको छ । टारीबाट अर्याल गाँउतर्फ आउँदै गरेको ग१ज ५५८० नम्बरको धान, पराल बोकेको बोलेको दुर्घटना भएको हो । 

दुर्घटनामा बोलेरो चालकसहित अन्य ६ जना घाइते भएका छन् । घाइते हुनेमा ज्वालामुखी ४ अर्याल गाउँका बोलेरो चालक २० वर्षीय समीर गदेल, सोही स्थानका ३१ वर्षीय प्रकाश अर्याल, ३८ वर्षीय सोमबहादुर दुवाडी, ४२ वर्षीय रामबहादुर विक, ५२ वर्षीय किसन विक र १५ वर्षका प्रितम गदेल छन् ।