बाराको क्षेत्र नम्बर ४ बाट नेकपा एकीकृत समाजवादीका कृष्णकुमार श्रेष्ठ किसान प्रतिनिधि सभा सदस्यमा निर्वाचित भएका छन् ।
उनले नेकपा एमालेका एकवाल मियाँलाई ६ हजारभन्दा बढी मतले हराउँदै निर्वाचित भएका हुन् ।
सत्तारुढ गठबन्धनका तर्फबाट उम्मेदवार बनेका श्रेष्ठले २० हजार २ सय ९१ मत पाए । मियाँले १३ हजार ८ सय ६३ मत ल्याए ।
किसानको यो जितलाई निकै अर्थपूर्ण रुपमा हेरिएको छ ।
यसअघि तनहुँ १ मा नेपाली कांग्रेसका रामचन्द्र पौडेललाई नेकपा एमालेका तर्फबाट हराउँदै संसदमा इन्ट्री गरेका किसानले यसपटक तनहुँमा टिकट नपाउने भएपछि बारा ४लाई रोजेका थिए ।
नयाँ क्षेत्रमा पनि किसानले सहज जित हासिल गरेका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
